Gúmmívinnslan -traust þjónusta í meira en tuttugu ár

Míkróskurður myndar fleiri brúnir sem dekkið hefur til að grípa í veginn með. Þessar brúnir minnka hemlunarvegalengd í bleytu og á hálu yfirborði.

Míkróskurður fjölgar kubbum og hvössum brúnum í munstri dekksins, en það eru einmitt þessar brúnir sem skipta máli þegar dekk þarf að halda góðu veggripi í hálku og bleytu.

Betri kæling

Við akstur hitna hjólbarðar og heitt gúmmí eyðist hraðar en það sem kaldara er. Mikil hitnun dekkja getur einnig verið orsök fyrir skemmdum og óeðlilegu sliti. Með míkróskurði verður til stærra yfirborð á dekkinu þar sem stórir kubbar hafa verið skornir í marga smærri. Þannig næst meiri kæling sem aftur lengir líftíma hjólbarðans.

Míkróskurður eykur sveigjanleika dekksins með því að skera stóra kubba í marga smærri. Aksturinn verður mýkri og belg dekksins og hliðum þess er hlíft við álagi. Líftími dekksins lengist og aksturinn verður þægilegri.