Gúmmívinnslan -traust þjónusta í meira en tuttugu ár

Gúmmívinnslan hf. (GV) var stofnuð 1982 og var upphaflegur tilgangur enduvinnsla á gúmmíi. Strax við stofnun var farið að endurvinna vörubílahjólbarða með sólningu. Um er að ræða ferli sem kallast kaldsólning þar sem leyfar af munstri á notuðum vörubíladekkjum eru röspuð niður að stálbeltunum í dekkjabelgnum. Á belginn er síðan límt nýtt munstur og það síðan hitað í sérstökum ofni þar sem gamli belgurinn og nýja munstrið verður ein heild. Í sólningarferlinu falla árlega til tugir tonna af gúmmíi sem nýtt er til framleiðslu á ýmsum nytjahlutum.
GV hefur um langt árabil framleitt öryggishellur úr gúmmíi sem notaðar eru á leikvöllum, við sundlaugar og á öðrum útisvæðum þar sem gæta þarf öryggis og varna slysum. Öryggishellurnar uppfylla evrópska gæðastaðla hvað varðar dempun við fall úr ákveðinni hæð.
Aðrar vinsælar framleiðsluvörur eru mottur til notkunar á vinnustöðum þar sem mikið er staðið við vinnu, millibobbingar fyrir fiskitroll sem og plattar, hnallar og fantar fyrir umferðarmerkingar og umferðaröryggi.
Stöðugt er verið að þróa nýjar vörur úr gúmmíúrgangi og það nýjasta eru gúmmístaurar til merkinga og afmörkunar á bílastæðum og innkeyrslu Markmið GV er að efla endurvinnslu á gúmmí sem til fellur við hjólbarðasólun ogtengda starfsemi. Endurvinnslan miðar að því að nýta til fullnustu þau efni, sem til falla við aðra starfsemi fyrirtækisins, svo og að þróa arðbæra framleiðslu úr hráefnum sem að öðrum kosti yrði ekki notuð.  Öll starfsemi fyrirtækisins skal stuðla að verndun umhverfisins og bættu öryggi þeirra er vörur fyrirtækisins nota. Með stefnumörkun sinni í umhverfismálum vill GV stuðla að eftirfarandi þáttum:

- Halda mengun umhverfisins í lágmarki - Bæta nýtingu auðlinda jarðar.
- Endurvinna úrgangsefni eins og frekast er unnt.
- Nota hráefni og framleiðslutæki er valda sem minnstri mengun.
- Nota hráefni og framleiðslutæki er valda sem minnstri mengun.
- Efla öryggi neytenda.