finndu okkur á
English
  • Aðeins um fyrirtækið

    Gúmmívinnslan ehf var stofnuð árið 1982 og var meginmarkmið fyrirtækisins endurvinnsla á gúmmí.

    Fljótlega var farið að sóla hjólbarða og er það meginstarfsemi fyrirtækisins í dag. Gúmmívinnslan er eina fyrirtækið á íslandi sem sólar hjólbarða og eru því viðskiptavinir fyrirtækisins út um allt land. Við sólningu fellur til gúmmí sem endurvinnsludeild Gúmmívinnslunar nýtir til framleiðslu á hágæða öryggis- og umferðavörum svo sem öryggishellur, gúmmístaura, gúmmímottur, umferðarvörur, ákeyrsluvarnir og millibobbinga. 

    Gúmmívinnslan selur einnig nýja hjólbarða og er því í góðu sambandi við íslenska markaðinn. Gúmmívinnslan er staðsett á Akureyri í 2.400 fermetra iðnaðarhúsnæði og eru starfsmenn um 20 talsins.

    Umhverfisstefna

    Markmið Gúmmívinnslunnar er að efla endurvinnslu á gúmmí sem til fellur við hjólbarðasólun og tengda starfsemi.

    Endurvinnslan miðar að því að nýta til fullnustu þau efni, sem til falla við aðra starfsemi fyrirtækisins, svo og að þróa arðbæra framleiðslu úr hráefnum sem að öðrum kosti yrði ekki notuð.

    Gúmmívinnslan leggur áherslu á markaðsstarf sem styrkir stöðu fyrirtækisins í hjólbarðasólun og eflir endurvinnsluþátt starfseminnar. Skal það meðal annars gert með því að veita viðskiptavinum og almenningi markvissar upplýsingar um þann þátt í rekstri fyrirtækisins er lýtur að endurvinnslu og endurnýtingu hverskonar.

    Þróunarstarf Gúmmívinnslunnar miðar fyrst og fremst að því að þróa framleiðslu á nauðsynlegum og hagnýtum vörum sem stuðla að öryggi þeirra sem þær nota. Við þróun nýrra vara er það megin markmið að mengun umhverfisins sé haldið í lágmarki.

    Öll starfsemi fyrirtækisins skal stuðla að verndun umhverfisins og bættu öryggi þeirra er vörur fyrirtækisins nota. Með stefnumörkun sinni í umhverfismálum vill Gúmmívinnslan stuðla að eftirfarandi þáttum:

    - Halda mengun umhverfisins í lágmarki.

    - Bæta nýtingu auðlinda jarðar.

    - Endurvinna úrgangsefni eins og frekast er unnt.

    - Nota hráefni og framleiðslutæki er valda sem minnstri mengun.

    - Efla öryggi neytenda

    Samþykkt á fundi stjórnar Gúmmívinnslunnar ehf. 24. mars 1992. Ef þú hefur spurningar varðandi umhverfisstefnu fyrirtækisins eða vörur þess, vinsamlegast hafðu samband.

  • Hjólbarðar

    Gúmmívinnslan er með stóran lager af hjólbörðum fyrir flestar gerði ökutækja og vinnuvéla. Við sendum samdægurs hvert á land sem er.

    Val á hjólbörðum

    Við val á hjólbörðum skal fyrst hafa í huga gerð ökutækis, hraðamöguleikar (innan löglegra marka), ökulag þess sem ekur bifreiðinni, ástand vega, gerð vega, árstíð, o.fl.. Í þessu sambandi má benda á t.d. að það getur skipt verulegu máli að nota þar til gerða vetrarhjólbarða að vetri til o.sfrv. Ef kaupandi er í vafa skal hann hafa samband við hjólbarðaverkstæði til að fá sérfræðiaðstoð við sitt val. Áður en hjól eru sett undir bíl þarf að athuga vel að stærð og týpa hjólbarða sé rétt, hvort felgan sé rétt, hæð og breidd, hvort ventill sé í lagi, en ventillinn er síðasti loftloki og því mjög mikilvægur. Athugið einnig ef nota þarf slöngu hvort slangan sé af réttri gerð og af réttri stærð.

    Athugið sérstaklega

    - Að burðarþol hjólbarða sé það sama og/eða meira en krafist er fyrir viðkomandi bifreið, þetta á sérstaklega við um bifreið sem notuð er í flutningum, stórum eða smáum. Ef burðarþol er minna en krafist er, er vart hægt að búast við öðru en minnkandi endingu og ónýtum börðum löngu áður en eðlilegt getur talist.

    - Að blanda ekki saman mismunandi týpum af hjólbörðum á sama bílinn. Bifreið með Q hraðamerkta hjólbarða ætti að vera með Q merkta barða allan hringinn, eins er með T merkta barða og H, o.sfrv. Það er mjög mikilvægt að fara ekki fram úr uppgefnum hraðamörkum eða burðarþolsmörkum hjólbarða, slíkt getur haft alvarlegar afleiðingar í för með sér.

  • Hjólbarðaverkstæði

    Gúmmívinnslan rekur fullkomið hjólbarðaverkstæði á Akureyri fyrir flestar gerðir bíla og farartækja. Verkstæðið á sér langa sögu í þjónustu við vörubíla og vinnuvélar og við leggjum metnað okkar í þjónustu við atvinnubílstjóra.

    Fjölskyldubíllinn er líka í góðum höndum hjá okkur. Við bjóðum mikið úrval af hjólbörðum fyrir fólksbíla og jeppa. Við umfelgum, gerum við, neglum og míkróskerum. Vertu velkominn á þjónustustöðvar okkar.

  • Endurvinnsla

    Gúmmívinnslan ehf. var stofnuð árið 1982 og var upphaflegur tilgangur enduvinnsla á gúmmíi. Strax við stofnun var farið að endurvinna vörubílahjólbarða með sólningu. Um er að ræða ferli sem kallast kaldsólning þar sem leyfar af munstri á notuðum vörubíladekkjum eru röspuð niður að stálbeltunum í dekkjabelgnum. Á belginn er síðan límt nýtt munstur og það síðan hitað í sérstökum ofni þar sem gamli belgurinn og nýja munstrið verður ein heild. Í sólningarferlinu falla árlega til tugir tonna af gúmmíi sem nýtt er til framleiðslu á ýmsum nytjahlutum.

    Gúmmívinnslan hefur um langt árabil framleitt öryggishellur úr gúmmíi sem notaðar eru á leikvöllum, við sundlaugar og á öðrum útisvæðum þar sem gæta þarf öryggis og varna slysum. Öryggishellurnar uppfylla evrópska gæðastaðla hvað varðar dempun við fall úr ákveðinni hæð. Aðrar vinsælar framleiðsluvörur eru mottur til notkunar á vinnustöðum þar sem mikið er staðið við vinnu, millibobbingar fyrir fiskitroll sem og plattar, hnallar og fantar fyrir umferðarmerkingar og umferðaröryggi. Stöðugt er verið að þróa nýjar vörur úr gúmmíúrgangi og það nýjasta eru gúmmístaurar til merkinga og afmörkunar á bílastæðum og innkeyrslu.

    Framleiðslan á endurvinnsluvörunum, og tækin sem notuð eru til hennar, eru að miklu leyti þróuð og smíðuð af frumkvöðlinum Þórarni Kristjánssyni, stofnanda Gúmmívinnslunar.

    Markmið Gúmmívinnslunar er að efla endurvinnslu á gúmmí sem til fellur við hjólbarðasólun og tengda starfsemi. Endurvinnslan miðar að því að nýta til fullnustu þau efni sem til falla við aðra starfsemi fyrirtækisins, svo og að þróa arðbæra framleiðslu úr hráefnum sem að öðrum kosti yrði ekki notuð.

    Þróunarstarf Gúmmívinnslunar miðar fyrst og fremst að því að þróa framleiðslu á nauðsynlegum og hagnýtum vörum sem stuðla að öryggi þeirra sem þær nota. Við þróun nýrra vara er það megin markmið að mengun umhverfisins sé haldið í lágmarki.

    Öll starfsemi fyrirtækisins skal stuðla að verndun umhverfisins og bættu öryggi þeirra er vörur fyrirtækisins nota. Með stefnumörkun sinni í umhverfismálum vill Gúmmívinnslan stuðla að eftirfarandi þáttum:

    - Halda mengun umhverfisins í lágmarki.

    - Bæta nýtingu auðlinda jarðar.

    - Endurvinna úrgangsefni eins og frekast er unnt.

    - Nota hráefni og framleiðslutæki er valda sem minnstri mengun.

    - Efla öryggi neytenda

  • Sólning

    Gúmmívinnslan ehf. var stofnuð árið 1982 og er eina fyrirtækið á Íslandi sem sólar hjólbarða. Upphaflegur tilgangur fyrirtækisins var endurvinnsla úr gúmmíi en fljótlega eftir stofnun, eða þann 14. janúar 1984, var fyrsta dekkið sólað hjá Gúmmívinnslunni.

    Gúmmívinnslan notast við kaldsólningu og eru eingöngu sólaðir hjólbarðar fyrir stærri bifreiðar þ.e. vörubíla- og sendibifreiðadekk og lyftaradekk. Við framleiðsluferli kaldsólningar er byrjað á því að raspa hjólbarðann niður og afraspi síðan blásið yfir í endurvinnsludeild Gúmmívinnslunar. Næst er gert við allar skemmdir í belgnum, ef einhverjar eru, og oft þarf að styrkja belginn að innan. Þá er milligúmmí sett á sólann og hann síðan settur á belginn. Þar sem um kaldsólningu er að ræða er sólinn í sínu endanlega formi þegar hann er límdur á. Hjólbarðinn er því næst klæddur í gúmmíumslög sem síðan eru lofttæmd. Eftir þetta er hjólbarðinn settur í ofn og hafður þar í tæpar þrjár klst. við 112°.

    Olíumagnið sem fer í framleiðslu á nýju vörubíladekki er 83 lítrar en þegar slíkt dekk er sólað þarf aðeins 26 lítrar af olíu. Fram til þessa hefur þó bróðurparturinn af notuðum hjólbörðum verið urðaður í stað þess að endurnýta þá. Okkur hjá Gúmmívinnslunni er bæði annt um umhverfið og auðlindir heimsins og viljum við því stuðla að endurnýtingu hjólbarða.

  • Lykil starfsmenn

                 

    Óskar Óskarsson

    stjórnarformaður

    Sími: 840 7907 - oskar@mark.is

                 

    Karen Lena Óskarsdóttir

    fjármálastjóri

    Sími: 464 7912 - karen@mark.is

                 

    Gunnar Árni Jónsson

    lagerstjóri

    Sími: 840 7903 - gaj@gv.is

                 

    Aron Birkir Óskarsson

    markaðsstjóri

    Sími: 697 5018 - aron@mark.is

                 

    Gunnar Kristinsson

    framkvæmdarstjóri

    Sími: 840 7901 - gunnar@gv.is

                 

    Guðmundur Pálmason

    þjónustustjóri

    Sími: 840 7902 - gudmundur@gv.is

                 

    Einar Eiríksson

    framleiðslustjóri

    Sími: 840 7917 - einar@gv.is

  • Senda fyrirspurn

    Sími: 464-7900
    Fax: 464-7919
    Netfang: gv@gv.is

  • Staðsetning


    Stærri Kort

    Gúmmívinnslan ehf.

    Réttarhvammur 1
    603 Akureyri
    Sími: +354 4647900
    Netfang: gv@gv.is

    Opið alla virka daga frá kl. 08:00 til 17:00

  • Vörulistar

    Vinnustaða og hesthúsamottur

    Vinnustaða og hesthúsamottur